ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សម្ដេចតេជោបង្ហាញក្ដីបារម្ភលើការគ្រប់ដណ្ដប់នៃភូមិសាស្ត្រនយោបាយលើសេដ្ឋកិច្ចពិភពលោក

  • ចុះផ្សាយថ្ងៃទី២៨ ខែមីនា ឆ្នាំ២០២៤ ម៉ោង ១៣:០៥ នាទី ដោយ EAC News
  • 2019
  Aa |   aA

ហៃណាន៖ ប្រធានក្រុមឧត្តមប្រឹក្សាផ្ទាល់ព្រះមហាក្សត្រ សម្ដេចតេជោ ហ៊ុន សែន បានលើកឡើងពីក្ដីបារម្ភរបស់សម្ដេចចំពោះការគ្រប់ដណ្ដប់នៃភូមិសាស្ត្រនយោបាយលើរបៀបវារៈសេដ្ឋកិច្ចពិភពលោកដោយថាមានការគិតតែប្រយោជន៍អាត្មានិយមដោយពុំបានគិតពីវិធានច្បាប់។

ថ្លែងក្នុងវេទិការប៊ូអាវ នាខេត្តហៃណាន ប្រទេសចិនព្រឹកថ្ងៃព្រហស្បតិ៍ ទី២៨ ខែមីនា ឆ្នាំ២០២៤ សម្ដេចតេជោ ហ៊ុន​សែន បានលើកឡើងថាតំបន់ជាច្រើនក្នុងពិភពលោកមិនទាន់បានធូរស្បើយពីសង្គ្រាមដែលបង្កផលប៉ះពាល់ធ្ងន់ធ្ងរដល់ពលរដ្ឋស្លូតត្រង់ និងសេដ្ឋកិច្ច ខណៈដែលសម្ដេចថាក្នុងតំបន់អាស៊ីក៏មានចំណុចរំញោចជាច្រើនដែលធ្វើឱ្យផ្ទុះសង្គ្រាមផងដែរប្រសិនជាមេដឹកនាំនៅអាស៊ីមិនពិគ្រោះយោបល់ប្រាស្រ័យទាក់ទងគ្នាដើម្បីដោះស្រាយភាពខ្វែងគំនិតគ្នាទេនោះ។

សម្ដេចតេជោថា៖ «ក្ដីបារម្ភរបស់ខ្ញុំនាពេលបច្ចុប្បន្នគឺនៅក្នុងទិដ្ឋភាពនៃភូមិសាស្ត្រនយោបាយនៅតែបន្តគ្របដណ្ដប់លើរបៀបវារៈសេដ្ឋកិច្ចសាកល។ ព័ត៌មាននៃការធ្លាក់ចុះសេដ្ឋកិច្ច ឬវិបត្តិតាមវិស័យនៅក្នុងប្រទេសមួយបានក្លាយជាហេតុផលប្រកាសជ័យជម្នះសម្រាប់តំបន់ផ្សេងទៀតក្នុងពិភពលោក ការបោះឆ្នោតប្រជាធិបតេយ្យបានក្លាយជាឱកាសដើម្បីធ្វើការសន្យាជ្រុលនិយមធ្វើសកម្មភាពប្រទុសប្រឆាំងនិងជំរុញផលប្រយោជន៍អាត្មានិយមដោយមិនបានគិតគូរដល់ផលប្រយោជន៍សាកល និងសណ្ដាបធ្នាប់អន្តរជាតិដោយផ្អែកលើវិធានច្បាប់»។

ក្នុងស្ថានភាពពិភពលោកបែបនេះសម្ដេចតេជោបានចាត់ទុកប្រទេសចិនជាប្រទេសគំរូមួយដែលចង់ឱ្យពិភពលោករីកចម្រើនទាំងអស់គ្នាក្នុងសហគមន៍រួមវាសនាតែមួយ។ សម្ដេចបានបន្ថែមថាការចូលរួមរបស់ចិនមិនត្រឹមតែធ្វើឱ្យពិភពលោកមានការរីកចម្រើនប៉ុណ្ណោះទេ ប្រទេសនេះក៏បានដើរតួយ៉ាងសំខាន់ក្នុងការសម្រុះសម្រួលជម្លោះធ្វើឱ្យពិភពលោកមានស្ថេរិភាពផងដែរ៕


ព័ត៌មានជាច្រើនទៀតសម្រាប់អ្នក